نقطة الصفر
----------------------
ضوَّى سراج الفكر واتذكر اللي فات
وصحّا جروح الصدر ع ريحة حبابو
وجمَّمع حروفُو البِكر تَيْخُط هالكلمات
ويبعث لصوبُن شعر مرسوم بكتابو
وبلش بوصْف السحر في مطلعه بالذات
وقدّيش فيُّو سِكِر ع رفّة هدابو
بسلسال عم ينتحر مشنوق بالشعرات
وقونه عاشكل النسر بتلوح بعبابو
وببحور خِلْقا خُضُر بيتذكر الموجات
وعالشط عم ينكسر وتبلْبل ترابو
وبْعنق فوق الشبر خالي من الطعجات
وكوزين شلحوا الزِهر وتكوّروا وطابو
وبخصر ما بنحصر بقشاط وبلوزات
ومطرح ما خلق الصفر من قبل كتّابو
ويعود ينذر نذر تا يرجع السهرات
وتالزيت ما ينتشر بِغمّض وبينام
وفزعان تا ينكسر وما يشوف هالغابوا
---------------------------------------
بقلمي راضي مشيلح
0 التعليقات :
إرسال تعليق