غرام كل العاشقين = فارس الليل الحزين محمد عطيه محمد -تحياتي جدو عبدو

رباعيات الاحزان (( غرام كل العاشقين ))

( للحزن في قلبي مكان )

قد ما حب عنتر عبله .. . .. وسلم قلبه في ايدها سنين

قد ما عشق قيس ليلي .. . .. وداب في الحب بشوق وحنين

قد غرام نعسه لايوب .. . .. وعد الحب ده شيء مكتوب

زي ما داب حسن في نعيمه .. . .. كل ليالي البعد حزينه

نفس كلام روميو لجوليت .. . .. انا هيمان في الحب هوية

قد غرام كل العاشقين .. . .. جوه في قلبي هيام وحنين

انا حبيتك قد ده كله .. . .. حتى في صمتي سكوتي كلام

نظرة عيني تقول بهواكي .. . .. وأنا وياكي في الاحلام

أصل الحب قدر مكتوب .. . .. وعد نلاقي قلوبنا تدوب

لا بايديا ولا باديكي .. . .. لازم نرضى بالمكتوب

انا يا حبيب يا روح الروح .. . .. عايش قصه حب معاكي

جوه عنيه وفين ما بروح .. . .. حتى في حلمي بكون وياكي

كل كلام الحب في شعري .. . .. مش هيساوي نظرة عينك

ولا إحساس في قلبي واخدني .. . .. لما قلت اني حبيتك

انا ياحبيتي يا روحي يا عمري .. . .. يالي ملكتي الروح بهواكي

عاشق دايب ليكي بقول .. . .. كل منايا أكون وياكي

كلمات الصدق
فارس الليل الحزين
محمد عطيه محمد
9 / 2 / 2 015