سلامتك يـــــا مصر.... محمد أبو الفتح..... تحياتي جدو عبدو

سلامتك يـــــا مصر.... 

محمد أبو الفتح.....

سلامتك يابلدي ألف ســلامة و مليون 

سلام من القلب يا مصر لـيك 

سلام من ولادك هم سندك 

هم عمادك وكل واحد منهم 

بروحه يفديك

سلامة جنودك سلامة حدودك 

وألف سلامة يا مصر لكــل اللي فـيك

سلامة شبابك سلامة تـرابك 

وألــف حـمــامة ســلام تـــرفرف عـليك

مصريا أرضي وشرفي وعرضي

بلحمي أغطيك وفي العيـون أدرايك

ولوطالت غربتك حترجع تاني قوتك

وينصـرك ربي على من يعاديك

وحاشوفك يامصر من تاني درة

على جبين الزمن وكل العرب حـواليك

وإن مرت عليك شدة مسير للزمان فـوقة

 ورده وصوت ولادك يصحيك

وحترجعي لمجدك الأول عروسة

ولابسة توب أخضروالحنة في إيديك

جميلك يا طاهرة في رقبتي ومهمـا اديت أنا

 وخدتي مفيــش حاجة توفيك

مصر يا منتهي أملي خدي مني

ولو عـمري بس ياريت عمري يكفيك

وألاقيك وفي حضنك انسى همي

 واقول يامه ضمى وادعى ربنا يخليك 

ويامصرربنا يخليك يا بلدي وعرضي

ربــنا يخليـك يا امه ربنا يخـليك

ربنا يخليك ........ ربنا يخليك ......... ربنا يخليك

محمد ابو الفتح..............