ضبط و احضار
..
انده ع الحزن اللى فدمعك
يستدعى الجرح اللى بصدرك
يبعت للفرح اللى بعمرك
يحضر تلاتتهم بالقوة
....
وسكر على نفسك باب نفسك
لملم كراريسك و محابرك
والضم خيط حبرك بمشاعرك
شخبط على روحك من جوا
...
سيطر ع الفكرة و ظبطها
لو فلتت منك ثبتها
ارسم لها تاتوه و دلعها
نَكر لها لبسك واتموه
قوم واتمرد حاول عادى
يصرخ قلمك تحيا بلادى
يوصف محلاها النخلة دى
أو يتغزل فى بنات حوا
..
بقلم
بهاء اللبودي
0 التعليقات :
إرسال تعليق