شايلك جوه ذكرياته = زينب رمانة ... تحياتي جدو عبدو

@@  شايلك جوه ذكرياته  @@

مهما تبعد أو تفارق

قلبي مش ممكن يعاند

وحتي لو خدت القرار

قلبي شايلك من يوماته

وسايبه بكل الاحتمال

شايلك جوه ذكرياته

دنيا من همس الخيال

مهما تهرب دوم أجيلك

وارتمي جوه عينيك

أسبح ف بحر السعاده

وأقول ياعمري كلي ليك

و حشاني أه لمسه إيديك

بلاش تقسي أو تبارح

أنا اللي قلبي نبضه بيك

فين أهاتك وأغنياتك

فين الحنين اللي ف عنيك

إنت قاسي باتهامك

وعايز تحرمني حنانك

عمري ماكنت أجرح

ولا فكرت ف خصامك

يوم عرفتك كنت أرضك

كنت هايمة ف السما ويا الغيوم

أحضن القلب الحنين 

وأسال الروح والعيون

كنت فين ياعمري إنت ؟.

وليه البعاد

وأنا اللي عاشقه وف جنون

لما حلمي يبقي حلمك

ولما دمي نص دمك

يبقي الجفا دمع وشجون

سيب الخصام وانهي القرار

لسه والله بحبك إنت 

حبيبي ياكل الجمال

من غير عينيك أيامي ضلمه

والبعاد هو المحال..

زينب رمانة ...