موش كلو بكام واديش
مولود انا لابس خيش
على ارض ناشفة حشيش
والخلاص داب متقطعهوش
وحتي عليا مياة مرشتوش
وبقول انا انفاسي مشمتهاش
ولكل شيء نهاية ولا متنتهيش
والحكمة من الايام بقيت درويش
متغطى بالاحلام ونفسي اعبش
بحبة ملح.مقديها ولقمة عيش
خارج عن المألوف كلامى فشوش
بكرا هيبقا ازاى وبعدة ميهمنيش
مكنوب بدفتر الحياة ومعشتهاش
بتفرج عليها من شباك من ورا شيش
وكل ما افهم فيها حاجة متفهمنش
عايش شبهكم بس كلكوا متشبهونيش
موش بلبس الحرير ولا بدل ولا خيش
الجسد واحد بس الروح مابتروحليش
اصلى وحقيقى وزى مافيش
وان هب مليون واحد يساعدنى مينفعونيش
مكتوب على دراعى اوعا متفتريش
وفى وش اى ظالم اوعا متهاپهوش
والروح فى السما والجسم قوة جيش
اللى يسعدكم ويفرحكم عمرة مافرحنيش
وانا حزنكم بموت وحزنى مبحزنيش
كاسر خطوط الطول والعرض مبسبهوش
الشاعر يسري خليفة
0 التعليقات :
إرسال تعليق