قصيدة مجروحه للشاعر حمدي حربي
مجروحه
مجروحه وبتدور علي طعم الفرح
راسمه بسمة
وجوا القلب مليون جرح
جوا عيونها
نور ودمعة
حزن وفرحة
اوصافها نبيلة
عيونها كحيلة
وادي الخد
طرح عليه بستان ورد
اللي يهواها
يدوق الفرح
لما تكلمك تلاقي القلب
يطرح فل
حبيبة الكل
مجروحه وبتكابر
وبتعاند وبتحارب
اوقات كتير بتتحارب
ومش عايزه تحس في لحظة بضعف
مش عايزه تحس في لحظه بعطف
نفسها فالحب
نفسها تنحب
لكن القلب ساكنه الجرح
مجروحه
يا عيني عليها
وعلي اوصافها
يا حلاوة الاسم ولا الوزن
او طول وعرض
ماليه الارض
فرح وسعد
واللي يشوفها يعشقها بجد
مجروحه
الشاعر حمدي حربي
—
0 التعليقات :
إرسال تعليق