بحلوك ومرك
**************
معاك ومنك ومش عليك
بحلوك ومرك بتوه في عينيك
ماأنا أصلي بحبك
وأحب إللي منك
وأخاف عليك
عمري ماخونتك
ولا يوم ظلمتك
ولا إتمردت عليك
ومهماً قالوا عنك
مابسمع لحد
لاني حقيقي
بحبك بجد
لا عارفه أكمل
ولا أبعد وأطمن
عليك من بعيد
وكفايه أسمع
إن إنتَ سعيد
سواء معايا
أو مش معايا
وجودك كفايه
فرغم جروحك
بحبك بجد
لا قبلك عِرفت
ولا بعدك عرفت
ولاحياتي
عاد فيها حد
مش قادره أكمل
ولا قادره أنساك
لكن مش هاهاود
قلبي في هواك
وراح أقوله حبيبك جفاك
هاأسي عليه
وأُقسم عليه
أن مابينا غيرالفراق
وهاعوده إن مفيش أشواق
وهاعيش أنا وهوا علي ذكراك
ماأنا مش قادره أنساك
معاك و منك ومش عليك
بحلوك ومرك
وبكل جرحك
بتوه في عينيك
لاني حقيقي
حقيقي بحبك
بحبك بجد
ومن بعدك إنتَ
مافي في حياتي حد
بحبك بجد
صفاء عبد ربه
0 التعليقات :
إرسال تعليق