{ حياة فلاح }
ويدوب وصلت لعند البيت
و رميت فاسى و غلقى
ومسكت كرستى وقلمى
وكتبت على جرحى وآلمى
تعبان فى حياتى وبتألم
مجروح ومش قددر اتكلم
كار الفلاحه ده كار تعبان
تروح الغيط ترجع عيان
تفحت مصارف وتعزق حشيش
وطول السنة محصول مفيش
مسكين يا فلاح يا مزرع
بتعدى عليك السنة قالع
لجيت فى مره لبست نضيف
ولا جيت فى مره آكلت نضيف
والمش على قلبك والع
والمش هو صديق عمرك
حاكم فى نفسك وفى أمرك
وفى عز البرد تروح الغيط
وصاحب الملك نايم فى البيت
تقلع وتنزل فى الطينة
وتقول يااااااارب قوينا
إنته صاحى الفجريه
وصاحب الملك جايلك
الظهريه
جائ كاوى الجلابيه
وفارد على راسه شمسيه
ويقولك حش المصارف والترعه
ما يسبلكش فى الأرض أكل وﻻ
مرعه
ولو فاتت يوم نعجه على الغيط
يعملك فيه نار ولعه
وأخر السنة تلاقية بيضحك
وجائ عليك ويقولك يلا
نتحاسب
ويجيب دفاتره أوراقه
وكلامه يحله وأخلاقه
ويقولك أنت خدت كيماوى
بألف جنيه
وخدت تقاوى بألف جنيه
وحرت ودراس بألف جنيه
وأنته يا مزارع فاضلك إيه
بتاخد ملاليم لا إمه مخدتش
ولو فاضلك شليتت تبن
صاحب الملك يقولك سيبهالنا
أستبن
من بعد شيلك سباخ وتبن
تروح وشك زى قفاك
ومراتك قاعدة بتستناك
بتقولك يا عنيه فين للى
قبضته
عاوزين نحاسب الجزار
وبتاعت الفاكهة وبتاعت
الخضار
وبتاع الانبيب واقف لينا
على الدار
بيخبط لينا بالليل قبل النهار
حملك تقل يا أبو الصغار
وزرعك ياريتك ما زرعت
تمد إيدك فى جيوبك ما
تلاقى حاجه تطلعها
ﻻ مجلمد تلاقى وﻻ فكه
وﻻ حتى سجاره تولعها
تقولك أقعد بعيالك
هاخد هدومى واسيبهالك
وتسيبك وتطلع على أبوها
والناس تقول روحوا هاتوها
تروح تصالح وتدادى
وتحب على الراس وتراضى
وتقول والله ما أنا رجعاله
يغور فى داهيه مع عياله
داميل بختى وميلنى
وغير المش ما أكلنى
ومن شيل الميه مبهدلنى
تقول شفتوا فلانه مرات
فلان
كل يوم بتلبس فستان
وراجلها بيلمع وعنده حصان
وأنا هدومى بقيت كلها غربان
شرب المر بست عيال
وهو حيلة حاجه فقير الحال
ودى حياتك يا فلاح
ما شوفت يوم مرتاح
تتعب وتشقى وﻻ تلاقيش
ضيعت عمرك كله بلاش
قبل الأوان شعرك هيشيب
وتمسك عصاية ماتلاقى حبيب
أسمع نصيحة شاعر فنان
شوفلك عمارة فى أى مكان
وأشتغل بواب قبل ما يجى
يوم وتطلب إحسان
أو حتى شفلك شوية جديان
واسرح بيهم حوالين الغيطان
أحسن من زرعك عند الأعيان
أحسن من حياتك يا غلبان
طارق السيد بلاسي
0 التعليقات :
إرسال تعليق