متصدرين فى الوجع = الشاعر يسري خليفة -- تحياتي جدو عبدو

متصدرين فى الوجع 

والفرح موش مادعين

ومصدقين كدبكوا

ونفسكوا راضين

والضحكة صفرا منكوا

والقلب اسود حزين 

الناس متشعلقة برضا ربنا

وانتو بغدركوا متشعلقين

يا وشوش بميت لون

بترشوا سم بلون 

بتطعنوا فى الضهور 

وفالوش مبتسمين

ومصدقين نفسكم 

واخركوا كدابين 

متبصوا فى المراية 

وشوفوا اية الحكاية 

موش انتو نفس الناس

ولية الغلابة تنداس

اخرتكوا متر فمتر 

ووقت الحساب تحتاس

ومصدقين كدبكوا 

ونفسكوا راضين

متصدرين فى الوجع 

والفرح منسين

الشاعر يسري خليفة