ظلمتك.. ياحظ .. كلمات .. سعد المهدي .. تحياتي جدو عبدو

ظلمتك ياحظ 

ظلمتك ياحظ .. حقك عليا .. ربي يسامحني 

معرفش انك .. في يوم هتيجي كده وتصالحني 

معلهش ياحظ .. انا ياما قلت عليك كلام 

وياما حسيت انه مافيش .. بنا كده اي سلام 

مانا ياحظي .. كنت فاكر انك ظالمني 

ومن نعيم الدنيا .. حاسس انك حارمني 

اتعذبت كتير .. يا حرام ! 

اتعذبت .. بفراق وهجر وخصام 

وياما ليالي .. من وحدتي مليت 

وعلى حالي .. عيوني دمّعت وبكيت

حسيت ان حياتي كلها ظلام في ظلام 

اتاريك ياحظ .. مخبي لي .. ضحكة كبيرة .. 

فرحة كبيرة .. مفاجئة كبيرة .. ولا فـ الاحلام

ماهو كدا طبع الإنسان .. يتعجل الفرحة تيجيلو قوام 

معلهش ياحظ سامحني .. انا ياما قلت عليك كلام 

ظلمتك.. ياحظ .. كلمات .. سعد المهدي