علمني = بقلم الشاعرة الراقية / صفاء عبد ربه -- تحياتى جدو عبدو

 

علمني 
********
قبل ماتطلب مني أنساك 
علمني !!!
علمني كيف 
كيف يكون الحب بدون أشواق
وأقتلع جدوره من الأعماق
كيف يكون كل مافات
وننسي علي أعتابه
قساوة الفراق
وأجمل الذكريات
علمني كيف يكون الحب
خد وهات
أليس سيل مشاعر
لا يعرف أوقات
أليس دواء لكل أهات
قبل ماتطلب مني أنساك
علم قلبي إزاي
إزاي ينسي هواك
وأنا روحي فداك
علمني !!!
إزاي أقدر أعيش من غيرك
إزاي مابقاش ملك يمينك
ومصيري هوا مصيرك
أو يوم أكون ملك لغيرك
إزاي !!!
إزاي إيدي تسيب من إيدك
وألقي نفسي مش وياك
وأجري وراك
أنادي وأقول إستني
إستني خدني معاك
دا أنا بهواك
دا إنتَ الحلو إللي في أيامي
ودوا المر إللي ف أوهامي
إنتَ مشاعر يالقلب تسر
وماكان في عذابك شيئ بيضر
كنت الضحكه
كنت أسايا وبكايا
كنت أملي ومنايا
كنت باشوفك بعيون تانيه
عيون ضاحكه وتخفي في ثانيه
كنت بشوفك دنيا جديده
دنيا سعيده
لأني معاك مش فيها وحيده
كنت بشوف في عينيك أحلامي
أنسي أشجاني وكل أحزاني
كنت ليا العمر حمايه
كم الخير إللي جوايا
يبقي إزاي
طيب قول
إزاي هجرك ليا يطول
وانا لعهودك عشت أصون
إزاي منك تيجي آسيه
وإنت قلبك مليان حنيه
جربت أبعد وما أفكر فيك
لقيت واهمي واخدني بعيد
ناديت علي قلبي فاخَدني إليك
كنت أحكيلك كل أسراري
وإنت تخفف عني أحزاني
تغرق فيها
وتبقي قاضيها
ماأنا البحر وانت أراري
كنت عنيد
أيوا حقيقي كنت عنيد
أقول بكفايه
وإنت تزيد
دايماً كنت تفوتني
تبعد وتروح لبعيد
أجري وراك
وأفضل أنادي
أيوا بانادي بانادي عليك
إرجع تاني
وإوعاك تنساني
أااااه
أه لو تعرف شوقي إليك
مش بايديك
مش بايديك تحصد في أمالي
تقتل قلبي وكل كياني
تنزع عمري
تغتال أحلامي
وأسهر طول الليل مابنمش
صورتك تيجي إزاي مافهمش
أغمض عيني لأجل ماأنام
صورتك لسه حالفه ماتمش
أقول معلش
بكره هاتهرب من أحلامي
ألاقي دموعي نزلت سيل
أحجز فيها
أكفف فيها
بردوا ما تصمت
وبتقسم بحياة الويل
كنت ماأحس بطعم الضحكه
إلا معاك
كنت بحس صدا صوتها جواك
كانت الدنيا بعيوني بترقص
دلوقتي بيا عماله تعصف
أعمل إيه أنا طب وياك
قولي إزاي
إزاي أنا أنسي هواك

صفاء عبد ربه