ما تحوش طيفك = بقلمى يوسف ونيس مجلع - ايطاليا بريشيا -- تحياتى جدو عبدو

 

بقلمى يوسف ونيس مجلع - ايطاليا بريشيا
اصدقائى الاعزاء فى هذا الحر الشديد اخترت لكم من سلسلة الكلمات الخفيفة كلمة بالعامية 
بعنوان- ما تحوش طيفك 
ماتحوش طيفك بقى عنى -------- دا مالوش غيىر يجننى
لا عاتق عين ولا ننى --------------- فى كل كيانى ساكنى
رايح جى يشاغلنى -------------------- سارق تركيزى منى
اقول له كدا هاتجننى --------- يضحك ويقول لى ايه يعنى
--------------------------------------------------------------------
مخلى عقلى مودعنى -------------- ان جيت افكر يمنعنى
اجى رايحه الاقيه مرجعنى -------- وان كنت نازله يطلعنى
اقول له اختشى هتوقعنى ---- يدحك ويقول لى ايه يعنى
--------------------------------------------------------------------
حبة بقربه يطمعنى ---------------------- اقول ناوى يدلعنى
يرجع تانى يلاوعنى -------------- يعمل قال مش سامعنى
اقول له كدا هاتولعنى -------- يضحك ويقول لى ايه يعنى
-------------------------------------------------------------------
لا نهار ولا ليل منيمنى ------------ بشقاوته غاوى يحاورنى
اقربله يجرى بعيد عنى -------------- ولما ابعد عنه يلومنى
اقول له كدا ها تحيرنى ------- يضحك ويقول لى ايه يعنى
--------------------------------------------------------------------
ليلاتى على كده يلاعبنى ------ اصحى تعبانه ياعين امى
غلبانه وشوقى مغلبنى -------- هيمانه وعشقى ملوعنى
اقول له هواك هايضيعنى ---- يضحك ويقول لى ايه يعنى
-------------------------------------------------------------------
اه بس مره يطمنى ---------------- و احس انك قريب منى
لو قال لى قلبك شايلنى ---------- انا اللى هاقوله يجننى
مهما اتشاقى وعذبنى ------ هاضحك و اقول له ايه يعنى
بقلمى يوسف ونيس مجلع