الف طظ --- كلمات / خالد الكردي ---- تحياتى جدو عبدو

الف طظ ---- رابع مره ---
الف طظ عشان بحبك
عشت واهب قلبي ليكي
كنت حابب كل كلمه 
قولتها وصف لعينيكي
بس دلوقتي هاقولك
طظ فيا والف فيكي
طظ فيا عشان باشوفك
الف صوره ف المنام
طظ فيكي عشان لقيتك
واحده دايبه ف الكلام
واحده تخدعها المظاهر
عايزه حب تملي ظاهر
انما تحسي المشاعر
ماافتكرش انا هابقي قادر
الكلام مش كل حاجه
حبي ليكي كان عباده
كنت اضعف وانتي تقوي
لما اصبح غدري عاده
الف طظ عشان عينيا
اتعودت ماتشوفش غيرك
كنت فاكرك حاسه بيا
بس بعتي خلاص ضميرك
الف طظ ولو رجعتي
راح تلاقي العمر عدي
مش هتلقي جوه قلبي
غير مكان مقفول وصدا
----الف طظ ---
كلمات
خالد الكردي