الف طظ == كلمات خالد الكردي --- تحياتى جدو عبدو

-------------

الف طظ لتالت مره

-------

الف طظ ع اللي فكر

يقتل البسمه ف عنيكي

الف طظ ع اللي حاول

مره واطاول عليكي

طظ يبقوا مش ولادك

اللي باعك واللي خانك

واللي فجر فيكي مبني

الف طظ باقولها ليهم

مصر دي كنيسه ومدنه

والتاريخ شاهد عليهم

الف طظ ف اللي ولع

واللي كسر مره باب

والتحيه للي فكر

يوم يجيب حق الشباب

اللي ضحكوا ف يوم عليهم

اللي وسط النار سابوهم

اللي قالوا الجنه بيهم

واحنا يبقي لنا العذاب

الف طظ دي مسرحيه

صوروها ليك وليا

هما ياخدوا كل حاجه

وابقي انا وانت الضحيه

-------الف طظ-------

كلمات

خالد الكردي