تعبني هواك = بقلم الشاعرة الراقية / صفاء عبد ربه -- تحياتى جدو عبدو

 

تعبني هواك 
**********
تعبني هواك 
قولت أنساك 
لقيتني منك بقرب أكثر
جفاني النوم
مليتني هموم
وبقيت معاك متحير
فضلت أنادي
وفيك أناجي
وإنت معايا متغير
قولت ياريت
روحت ولا جيت
ولا أتعود عليك وأسهر
طب إزاي
إزاي أكون وياك
وإنت في غيري بتفكر
راح فين كل إللي كان بينا
راح فين عهد الهوي مِنا
وفين الحب إللي آسِرنا
تعبني هواك
قولت أنساك
لقيتك مني بتقرب
ولما شربت من نبعك
قولت يانبع
ياريت كمان اشرب
مليتني بالظنون
وحبك المجنون
قولت وماله كفايه قلبك حنون
أقسمت ما أخون
ولعهدي أصون
وعمري لغيرك في يوم ماهاكون
راح أنتظرك بشوق مجنون
وأضمك بصدر حنون
وأكون لك كل الكون
أنا إللي أمِنتك علي قلبي وحياتي
ورسمت معاك أجمل أيام الصبا وذكرياتي
وراح أكون لك حتي بِ مماتي

صفاء عبد ربه