فاكر انى نسيت = بقلم عونى هشام --- تحياتى جدو عبدو

فاكر انى نسيت
==========

بقلم عونى هشام

=========

كنت انا فاكر
لما قابلتك 
صدفه فى مره 
لقيتنى نسيت
كنت هاقولك 
ع اللى فى فلبى 
تاه من عقلى 
بدل الحب 
لقيتنى هجيت
كان عنوانك 
جوه فى فكرى 
مشيت خطاويكى 
تاه البيت
نفسى اتذكر
ايه كان بينا
سألتك مره
قلتى نسيت
بس انا فاكر
اصلى مذاكر 
لما عينيا 
جات فى عنيكى 
تهت انا فيكى 
فى بحر غويط
ولما اقولك 
ان انا فاكر 
طبعا فاكر 
كل حلاوة 
الحب معاكى 
بس الاسوة 
راحت من بالى
خلاص ونسيت
==============
/// عونى هشام///