البركان الغاضب
****************
مش ح أقبل أكون برواز
أو تحفه تمدحها ضيوفك
أنا مش لعبه جميله
تلعب بيها وتغريها بألوفك
ومش ح أسمح أبقى صوره
وأكون ذكرى فوق رفوفك
ومش أقبل منك أى عذر
مهما تشكى لى ظروفك
نبض قلبى كان بيصرخ
وصوته أعلى من دفوفك
لو ح أغضب تلقانى طوفان
أو بركان بيدمر طوفك
لو ح أنسى وعودى معاك
ح أفصل إسمي من حروفك
أنا ياما ضحيت عشانك
وكنت بأرجع تاني وأشوفك
وحلمت بيك وأنت قصادى
وخبيت قلبى بين كفوفك
كنت دايما أخلي حنينى
يطمن قلبك وأمنع خوفك
كنت لما بأصد قلبك
أحن لك وأداري كسوفك
هى دى نهاية الموده
بداية فراقى وقلة معروفك
دي عزة نفسى باقيه عليا
تمنعنى أمشي على كيفك
***************************
بقلم/ وهاد الطاووس
وجدي إبراهيم مصطفى
ملك الصمت
0 التعليقات :
إرسال تعليق