فوازير الشيف الحريف
==============
اجمل تحية واحلى فطار ويقبل صيامكوا فى رمضان
ده عندنا كتير من الاطباق بوصفة سهلة وكل صفاء
شهر الكرم والجود على طول والناس بتوصل فى الموصول
فيه المحبة والنفحات وايمان ده محفوف بالبركات
وفى كل يوم حنقول وصفات لكل ست من الستات
طبق ومعروف بالمحتويات وحذروا طب ايه بالذات
اطباقنا سهلة ولذيذة تاكلها تهضم بغريزة
سلوا صيامكم باجتهادات بالفكر يعنى فى الوجبات
ده خضار وفاكهة بالفيتامينات وبروتين بلحمة ونشويات
مسلوق ومشوى ومسبكات مقلى ومحمر وحلويات
لحبايبنا يعنى كده بالذات مع المحبة واحترامات
بنكهة الشهر الكريم بزجل وبرضه فيه فوازير
ويارب تعمله الستات للاسرة بسعادة ونفحات
ويرضوا ده عنهم الازواج ويتهنوا دايما باحلى زواج
ويكبروا كتير فى الاولاد احمد وعادل ويا سعاد
نتمنى نبقى عليكو خفاف زى المربى او حتى خشاف
ويارب دايما كده على طول يجمعنا سعد وهنا وسرور
ولو عرفتوا الحل قولوه فى كومنت برضه واكتبوه
طبق ده ممكن وصينية وطبيعته يعنى نشوية
بيقطعوه يعنى شرائح مع لحمة برضه فى رقائق
وبصل وقوطة مع البهارات فى الفرن من احلى الوجبات
مقلى ومطبوخ بالصلصة وبفراخ بتاكله وبفرحة
ويحبه برضه الاولاد مقرمشات ياكلوه لساعات.
مع تحيات الفقير الى الله
ياسر شرف
كبير محررين مترجمين
باتحاد الاذاعة والتلفزيون
0 التعليقات :
إرسال تعليق