ضرب المدفع وأذن المؤذن آذان المغرب وقـال الله أكبر
قلت الحمد لله وسميت وقربـــت من الأكل علشـان أفطر
وراضي عن حالى رغم ان احــوالي تخللي الصايم يـــفطر
أكلة على القد بس الجوع بتسد يعني لامؤاخذة مش منظر
وعارف في ناس تانية برضه من الفجرلسفرة الفطار بتحضر
برضه الحمد لله فى ناس تانية مش لقـياه يعنى مش بنتبطر
ودي فخدة ضاني وكفته وصـــواني بس مين على كل ده يـقـدر
إشي محشي وإشي مشوي وحلــويات تخـللي العــقل مايفـكر
وكله بيتساوي الفول زي الخروف بس المهم علينا ربنا يستر
والحمد لله على قعدة طبلية ولقمة هنية و نحمد ربنـــا ونشكر
ومش مهم الكتير دي البركة في القليل وكـــله برضه بيدبر
محمد ابو الفتح
0 التعليقات :
إرسال تعليق