رعد وبرق -- من ديواني سر الحبق -- بقلمي راضي مشيلح -- تحياتي جدو عبدو

رعد وبرق -- من ديواني سر الحبق

---------------------------------

ليش الوقت عَ طول سارقنا

بينعف ثلج يكسي مفارِقْنا

ان تلفنْت تا حكيك ما بلاقيك

وعاطول عم بيظل سابقنا

ظلك معي عاطول تا خبّيك

تا نحرقو وما يعود يحرقنا

وتا حرام روحي يْلِفَّكْ يغطِّك

وتزهر دني بِمْحَلْ ما عرقنا

عم بسرق اللحظات تا هَنّيك

وبكرا اذا مثل الفجر فقنا

بشرب حنانك برجع وبسْقيك

وترعد الدنيا بحبنا للناس

وترجع على السِّكَّيْت تبرقْنا

----------------------------

بقلمي راضي مشيلح