الزريبة والتكية
لو تفكر يوم تفكر انك
تعدى حدودنا ديا
او بعلمك ولا شهادتك
او كتابتك او بفنك
توصل انتا بفقاقتك
من غير مزاجتنا ديا
يابنى دة احنا اللى
عملنا الوسية
الزريبة والتكية
يعنى جاي بدكتوارة
من الجامعة اللى هيا
ولا تعزف بالجيتار
او تكون بتاكل نار
يابنى احنا اللى نقول
انتا فاهم ولا حمار
احنا اللى عملنا للمهلبية
والملوخية شرعية
الزريبة والتكية
يعنى متعديش حدودوك
خط مبنى جوا حوشك
احنا ناس مرسومين
واسمنا مكتوب علجبين
احنا بتوع الامضائات
واللى جاى واللى فات
اصل موش فى العيلة
عندنا القاب زى حج
ولا عم ولا خال
احنا معندناش
زيكوا اسم بهية
الزريبة والتكية
طب خد المعلومة ديا
احنا منبنش فى النور
وفالليل بنعشش اماكن
ميعرفوهاش الصقور
ولا يدخلها جائر
ولا يعرف حرامى
يقرب من السور
وحتى افرحنا بتبقا
فى حوش جوا القصور
واخر اللى زيكم
تشوفوا صورة فى الفجرية
الزريبة والتكية
احنا شمس الصيف
لفانا طول السنة
ولما نحب نلعب
علجليد نسافر السما
موش زيكوا نشيل فلوس
بالفيزا غيرنا النفوس
وحتى عندنا من ماليزيا
بيبي سيتر ومن افريقيا
يعنى ملكنا الكون
وبلون القلم بينا
عدينا الحصون
وانتا جاى يابنى تقول
اللى بينا مجرد سور
الزريبة
هيا هيا
ضلمة ساكنة جوا ضلة
والعنكبوت عشش وشوش
والتكية
زى ما هى
ناسها عمرهم طويل
ملكوا ارض وغيط وبير
وحتى شراب الزنجبيل
الزريبة والتكية
الشاعر يسري خليفة
0 التعليقات :
إرسال تعليق