رئيس للبيع .. (عاميه) = بقلم الشاعر الراقي : عمار قدح -- تحياتي جدو عبدو

.... رئيس للبيع .. (عاميه)

بعلنها وأنا مش مجنون 
الرئاسه والحكومه للبيع
أنا بياع مهاود
رئيس للبيع والطاقم كامل
بس غير قابل للتفاوض
بياع مهاود و مراود
لهيك رئيس مش معاود
بيع كامل والقيادة زيادة
والكرسي هدية من قضيتنا اﻷبيه
لهيك وضع والله مش طايق
حياتنا صارت ذل وإهانة
و على النفس أمنه قابض
ممنوع تعارض صار حكم ممالك
ماتت القضية و ترملت
بعد ما وقعت وطبعت
وعن الأرض تنازلت
وخلق الفتن بين أهلوا
أوامر أسيادوا وربعوا
وبتقلي ليش مقهور من افعالوا
أنا مش متنازل عن حقي
الرئيس للبيع ما بلزمني
رئيس خلا المغتصب شقيق
وأمواتهم شهدا وأحنا فطيص
نتنياهو صار مسكين و شريف
والي بمسك الحجر أرهاب و تخريب
سلموا وسجنوا شرفا فلسطين
وسجنو كل مقاوم أمين
وبتقلي ليش ابيع الرئيس
ولا تفكر أني حمساوي
أو أني شبل فتحاوي
انا مسلم وبحب المسيح
فلسطيني مرمي بجوع
دمرنا هيك رئيس
ورجعنا بصوت نصيح
معنويتنا صارت بالحضيض
ترحم على المجرم رابين
وبدافع عن المستوطن
جنودك سلاحهم بنحني
لما يعدي إبن جندي رخيص
ولما الشعب يقاوم
سلاحك إلنا مرفوع
كلابك كسروا أضلاعي
هذا أسموا تنسيق
قصدك مخبر تلفيق
وبتقلي ليش ما بدي رئيس
مش متراجع بكلامي
عباس للبيع والقيادة
ولو إسمي تسجل بالطريق
وحكومني إعدام تلفيق
الرئيس والطاقم للبيع !!
ما بدنا رئيس ولا قيادة
رئيسنا بوقع ضد الإرهاب
جنب توقيع الأعداء
بدك حرق والله لنرتاح
روح وصير عندهم ياعمي
وزير حرب وتشريد
احنا شعب بدوا رئيس
بدنا رئاسة وشوية ضمير
شعبنا من العدوا عايز يستريح
كل يوم دار بتتهدم
والرئيس نايم بتفنن
حارس لحدود أسرائيل
وبتقولي ليش البيع لرئيس
ما منطلب مستحيل
شوية ذمه وضمير
وكرامة لشعب المسكين
للبيع ولجهنم !!!!
هيك حكومه و رئيس

.... عمار قدح