أحبك يامصر = بقلمى : شاعر عبدالواحد محمد ------ تحياتى جدو عبدو

,,,,,

أحبك يامصر

,,,,,,

كلمات عاميه حره

,,,,,,

بقلمى شاعر عبدالواحد محمد

حقولها ورزقى ع المولى
بحبك حب ف كيانى
وبحلم أشوفك يابلدى ضى
منور كل الدنيا

أشوف ف السما عاليه
أشوفك قمره
ونجومك محوطاكى
ولو طامع عاوز ضرك 

يارب القاه حزين باكى
وأيه أسوى وأنا تايه
ألف وأدور على وطنى
وأشكى ومين حيسمعنى

ولو دمعى تبدل دم
ب أيه الدم حيفدنى
بلادى ياعزيزه يا بحر حنان
يا أم تضم وليد مولود 

ورافع للسما راسه
وحوليه العباد تشهد
بأن أمه دى عطوفه
وحاننها ده شئ مشهود

بحبك أه وكمان عاشق
وأغنى ليكى بالموال
وحبه صبر يا أخواتى
ويتغير ف يوم الحال

مابينا فيه عطب وفساد
مسيره يزول حيجى اليوم
,,,,,,,,,,,,,,,,,,,,,,,,,,,,,,,,
وحق الله وعهد الجندى يوم واخده
مايتنازل فيوم يحمى أى حدود
ولادك الدنيا واخداهم شويه صبر
حترج تانى للأحضان زى الطير لما يعود

وحنبارك وحنهنى ونتوحد تحت علم
ماهو أحنا الاصل وغيرنا عبث ملهش وجود
حيرحل للبعيد ويتوه ولايبقى ولا ليه شهود
بحبك ياللى حروف أسمك أغنيه

بيخرج منها ألفين معنى ف صبحيه
أشوف الخير وأنا ماشى على الترعه
حصاد القمح والفلاح بيرقص ليكى يابهيه
وأشوف البنت ع الترعه بزلعتها بتملى المي 

وحوليها بنات ف الغيط بصحبتها
بيجنو القطن الذهب الأبيض بزغروته
وفرحه وشوق ولمسه أيد بحنيه
وأشوف الفرحه ف عيونها بعوده زوجها 

وحامل ليها ولولدها كام شبشب وجلابيه
كانت أحلام وعايشها وفاكرها ومش ناسى
حيرجع الزمان بالخير وننسى ماكنا بنقاسى
ولو يوم أنظلم شعبك ح قوله حقك على راسى

بحبك والكريم عالم بعشقى ليكى يابلدى
وواهب الروح وفوق منها كمان والدى
حنحميكى ونفديكى يانواره ولو بالدم
وأيه تسوى يابلدى الروح ولو تسكن دمعه فعنيكى

حقولها وربنا يعلم مانش طامع وليه ح طمع
فكرسى يزول أو منصب زيف وغش
كوم الطماع ف النقصان بيت النتاش مايعلى
وديما ف الشقى رحال 

أنا بحكى ونفسى فى يوم أكون واحد
من اللى بيبنو فى وطنهم وبيعلو بنى الأوطان
تعيشى يامصر خفاقه تردى كيد حسادك
تمد جسور ملانه بالخير لأحبابك

مناره فنار علم ودين وديما يبقى منهاجك
حب وخير وأمانه حتسعد كل أولادك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد