---
العدالة الاجتماعية
-------
ثورة هى ولا قولى مهلبية
لما نادوا بالعدالة الاجتماعية
ولا كانت شعارات للتسالى
لما قاضى يحرم ابنى م الحياة
ثورة هى ولا قولى مهلبية
لما نادوا بالعدالة الاجتماعية
ولا كانت شعارات للتسالى
لما قاضى يحرم ابنى م الحياة
علشان كان مولود فقير
ولا ابوة كان شعال عامل نظافة
يبقى لازم يحرموه م الوشاح
واللى كان ابوه وزير دا ابن ناس
والكناس الشقيان ف الشوارع
بتدهسوه بالمداس
اه يا بلد فيكى العداله بالمقاس
والاساس ف الحكم عدل
لما يطلع قاضى ندل
يحرم ابنى م الحياة
يبقى تاه وسط الامانى
ف متلموش مرة عليه
لما مرة يبقى ناقم عالوطن
واللى دار ف الشوارع والحوارى
عالرصيف والمفارق
بيشيل عنا كل الفمامة واللمامة
تحت نار الشمس قايدة
وسط الرعد ف غز البرد
تحت امواج المطر
بتكفنوه وتدفنوه تحت اكوام الامل
والخلل اللي انا شايفه شئ مهين
والسنين صعب تسامح كل ظالم
فرق ما بين كل اتنين من ولادك
لو كانت هى سياستك يا وطن
يبقى اسف يا وطن
لو عايزين فعلا عدالة
غيروا ف المفاهيم
ازرعوا فينا الامان
والميزان كفة تساوى
والعدل يصبح امين
علاء
0 التعليقات :
إرسال تعليق