شيال الحمول
,,,
شعر عامى حر
,,,
بقلمى شاعر عبدالواحد محمد
=================
شيال الحمول أنا والدمع فعيونى
ألف رحال أدور على الغالى
لا ليه صاحب ولا حبيب وونيس
غير الدموع هيه اللى مرفقانى
زرعت شجر الود وسقيته بالأوجاع
والزرعه سرقوها وأخدو راس مالى
تعب السنين راح هدر وثراب
ورجعت أحصد حصدت أحزانى
سألت عن صحبتى لقيتها نكرانى
وحبيبى من غير ثمن لقيتها بيعانى
أه يازمان الأسى خلاص ماعدش حبيب
ولا خليل أشتكيلو وأقوله ماجرالى
أمتى تجف يادمعى وترحل الأوجاع
وأمتى أجنى ورودى يادنيا وترأفى بحالى
شيال حمولى على ظهرى بقت محنى
والشعر شاب والجبين شاحب وكيف أدارى
أبويه يامه نصحنى وقالى فى مواعظ
رميت كلامه ورايه ومصدقتوش
وبعد فوات الزمان بتمنى يقولو تانى
لاعاد فيه أخ وسند ولا ولد وحبيب
ولما أموت وأندفن حرتاح يا أحزانى
ومين حياخد عزايه ويبكى يقول يابه
ومين راح يترحم ويقول كان غالى
أه يازمان كنت كدبه وسطر غلط مكتوب
شطبو عليه م الكتاب وكتبو تاريخ تانى
كتبو فى سطر الكتاب واحد شبيه ألوفات
ذكرونى جوه السطور واحد وكان جانى
أنا جنيت على نفسى وعشت ذليل محروم
ضعيت وضعت وقطعت أوصالى
نكرت يوم فعلى وعافرت للتيار
جت الرياح ورمتنى على شط بلا مرسى
وعشت رحال ألف بلاد وأدور فيها
الصوره صوره بشر بس الحقيقه شئ تانى
ياكل سامع قصتى أفهم حقولك شئ
أوعى تبيع كما بعت لتضيع وتبقى مجنى عليه
ومين حيجنى عليه ما أنا توهت وجريت ورى الدنيا
واللى حصل ليه كان سببه أفعالى
,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد
0 التعليقات :
إرسال تعليق