الحب مش قضية = الشاعر الراقى سعد المهدى -------- تحياتى دو عبدو

الحب مش قضية
اتغيرت أيّامي .. مش هي دِ كانت .. أيامي !
اتبددت أحلامي .. مش هي دِ كانت .. أحلامي ! 
طالت معاه .. سنيني .. وزادت معاه .. ألامي .. 
انسَ اللي فات .. يا قلبي .. ولا .. تشغل بالك بيه 
واللي غدربك يا قلبي .. ربك بكرة.. يجازيه
حبيت وأخلصت في حبك .. واللي افتكرته مرة حُبك
قلبه .. مش زي قلبك .. قلبه .. ظالم .. وأناني
حاول .. يا قلب تاني .. ودور ع الحب.. تاني
يمكن ترجع .. وتحب تاني
**********
الحب مش قضية .. نترافع فيها ..
واحد يتِّهم .. والتاني يُرد
الحب مش لعبة .. نلعب بيها .. واحد يشوط والتاني يصد ..
الحب مش الضد .. واحد يبني .. والتاني يهد ..
الحب مشاركة .. مابين حبيبين .. هات وخد
ولو قلبك .. وقع فـ الحب ..
مع قلب .. ما يعرفش يحب
حاول .. يا قلب تاني .. ودور ع الحب.. تاني
يمكن ترجع .. وتحب تاني
**********
انا من طبعي .. أكتب أشعار وأغاني
وفـ قربه تاهت مني .. كل المعاني
هوّ فيه شاعر يحب ! .. أو يكتب عن الحب
أو يعيش له حب ! ..
والكل .. مخاصم التاني !
الدنيا حلوة .. لو صِعبت .. دور ع الفاعل والجاني
حاول .. يا قلب تاني .. ودور ع الحب.. تاني
يمكن ترجع .. وتحب تاني
**********
اشعار غنائية ..سعد المهدي