قصيدة الزعبلاوى = بقلم الكاتب / ياسر شرف- كبير محررين مترجمين ----- تحياتى جدو عبدو

قصيدة الزعبلاوى
===========
فى كل حتة يعمل بلاوى ولقبه واسمه الزعبلاوى 
ومهما تنصحه حتى فى اغانى ولا مرة يسمع ماهو اصله غاوى 
ياكل ويشرب ويرمى الزبالة وتقول له لا ! يسوق هبالة 
ماهو اصله طبعه فى كل حالة يرمى ويزبل حتى الثمالة
فى كل شارع وفى كل حارة تلاقيه بغلاسته رامى الزبالة
وعيلته كبيرة اجيال ندامة تطلع تقلد فى كل حالة
وفى النيل بيرمى حتى القمامة وتعوم مراكب وسط الزبالة
ياعم  افهم وعيب عليك كفاية ربى يكسر ايديك
ده طبع سئ وهى عادة عقابها تكنس دايما زيادة
زى ما بيتك لو فيه نضافة بره تحافظ برضه بلاطفة
وبلاش تغذى فى الحشرات وتنشر فى علة وفى ميكروبات
قانون نطبق بكل صرامة والسجن يجرح اهل الكرامة
فى السلة ارمى يعنى القمامة بدل ماترمى يعنى بندالة
ده نيل وشارع ملك الناس لازم تحافظ ياابن الناس
لو عدت تانى ترمى فى الزبالة نهايتك حتبقى سلة زبالة.
اصل النضافة من الايمان ولازم تحافظ انت كمان
ويديك فى بركة الرحمن بدل ما تخسر زى زمان
وعلى القهاوى ماتقولش غاوى واخرتها تزعل يا زعبلاوى.

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون