درس من الدنيا
,,,,,,,,,,,,,,,,,,,,,,
علمتنى الدنيا أعافر
وأنحت الصخر بصوابعى
لما أبويه حمله زاد
كترت الأوجاع عليه والولاد
والصعاب والفقر بياكل عظمنا
كنت لازم أكون رفيقتو فالمحن
أنى أشيل الحمل عنه وأشتغل
علمتنى الوقفه أراقبو من بعيد
قد أيه كان يشرب المر عشانا
ويخوض الثقيله والصعاب
والعرق عطر جبينه وفرحته برزق جالنا
كنت أشوفه شقيان وتعبان كنت أفخر أنو أبويه
وأرسم البسمه بوجهى علشان أزيح الحزن عنو
روحت ليه وقلت يابه ليه ده كله أنا ولد مش بنيه
بنت جدعه نفسى أتعلم وأساعد وأشيل معاك
الحمل لما يثقل من حيجى ويسعدنا
علمتنى الدنيا درس مفيش فرق بنت ولد المهم
نتصر على الدنيا وفعالها
ومفيش حد فيوم أقوله تعالى ساعد نى
أو أمد أيديه ليه وأقوله عينى
وبعد عمر سنين طويله أصبحت بسمه المدينه
ليه شهره وليه صيت على الطريق الكل يحلف
ويقول دى زهره وبالدعاء يابه منك المولى عنى
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
لما قريت قصتك بكيت وأنكسفت من رجولتى
أزاى دى بنت وأنا أسمى راجل وهيه كانت أشجع
وأرجل من شبابنا
بنت بيها تفتخر وتنحنى وتقول دى راجل
مالزمان والمحن تصنع رجال مش مهم الجنس أيه
المهم أنها قدرت وشالت والمولى عانها
وبشكر الفرصه الجميله وأقولها أتمنى منك تقبلى
ألف تحيه يابنت بألف راجل والرجوله عمله نادره فالزمن دا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات زجليه مهداه الى صاحبت الصوره
البنت المحترمه أمل مصرى أحترامى
الشاعر
عبدالواحد محمد
,,,,,,,,,,,,,,,,,,,,,,,,,,,
0 التعليقات :
إرسال تعليق