مُفتَرَق
*******
لا أنا تافه
ولا ساذج
ولا أرجوز
أنا تلقائي
والخبث مابحبوش
الصدف دائي
والحب دوائي
وإنتَ ردائي
لكن عليا مش باقي
خنتني وخنت ثقتي بيك
والغدر قريته في عينيك
جيت أعاتبك
مش عاجبك !!!!
قولت أبعد
ولا همك !!!!
والخيانه ممزوجه بدمك
قولت أصبر عليك
يمكن ربنا يهديك
لاقيتك سابق في الاهانه
جرحتني
جرحتني كثير ياما
وسيبت في قلبي
مليون علامه وعلامه
ماعرفت تحافظ عليا
ولا تاحد باإيديا
ماعرفت تصون الأمانه
ودلوقتي لازم نفترق
ما إحنا وصلنا مفترق
طريقنا ماعاد واحد
وكل واحد فينا
علي خاطره من التاني واخد
ولا عاد يقول انه صديق
ولاكان في يوم
علي الدرب رفيق
ماهو كل واحد فينا
عن التاني مختلف
من الياء حتي الألف
ف كفايه بقي
كفايه حصاد خوف وقلق
حصاد سنين مرسوم ع الورق
دا لا عاد مكان بيضمنا
ولا كلمه حلوه تهزنا
والصبر تاه عننا
تاب وأفسم مايجي عندنا
بكفابه العمر إللي ضاع
مابين سنين كدب
وغش وخداع
وأتاريك للكلام بياع
ونسيت إن الكل كان ليا شاري
وإنت الوحيد إللي باع
باع أجمل سنين عمرنا
وإللي بينا ياصاحبي
أصبح مشاع
إللي بينا أصبح مشاع
صفاء عبد ربه
0 التعليقات :
إرسال تعليق