من أول كتاباتى القديمه جدا أتمنى أن تروق لكم يا أحباب
(إشترى لى )
~~~~~~~~~
إشترى لى قلب تانى
ينساك وينسانى
لا زمانك كان زمانى
ولا حبك عاش عشانى
أنت قلبك ليه أنانى
حبيته وبناره كوانى
قولى ليه الحزن جانى
وحبك جرحى وهوانى
أه يا ليل ع إلى رمانى
ومن عذاب الشوق سقانى
إشترى لى قلب تانى
واشترى لنفسك كمان
قلبى عاش العمر ليك
وأنت قلبك باع وخان
أنا مش بعتب عليك
أنا بعتب ع الزمان
لسه فاكر نور عينيك
كانوا بحر من الحنان
قل لى ليه ببكى عليك
وانت عليك الحب هان
إشترى لى قلب تانى
يمكن انسى الجراح
أصل قلبى منك بيعانى
وانت نسيته الأفراح
حد تانى خد مكانى
ولا حبى كان مزاح
ليه حبيب قلبى تنسانى
وحبك كان نور الصباح
والسهروالنوم جافانى
وقلبى عايش ع إلى راح
إشترى لى قلب تانى
إشترى لى قلب تانى
~~~~~~~~~~~~~~~~~~~~~~~~~~~~~~~~~
بقلم الشاعر سامح محمد حسن على حراز
~~~~~~~~~~~~~~~~~~~~~~~~~~~~~~~~~
0 التعليقات :
إرسال تعليق