ساعات الحب .. كلمات.. سعد المهدي -- تحياتى جدو عبدو

ساعات الحب .. 

ساعات الحب .. تعدي .. دقايق .. في عمر الزمان

آهْ يا حبيبي .. لو بيدي .. أوقف معاك .. ساعة الزمان

دَ الحب .. جنـاين وردي .. تزَيّن أجمل بستان

عشقتك وكنت فاكر .. الحب .. عذاب وهجر وأنين

قبلك .. أنا كنت مهاجر الحب .. وبقالي سنين

لقيتك يا حبيبي .. ولقيتني .. 

حبيتك .. يا حبيبي .. وحبيتني

وبأجمل حب .. خلَّيتني .. 

في دنيا العاشقين .. سلطان 

ساعات الحب .. تعدي .. دقايق .. في عمر الزمان

********************

أول ليلة .. أسهر وحدي 

بعد ما عرفتك .. وشفتك يا حب

وصار الحب .. سعدي ووَعدي .. 

وفرحة كبيرة .. ماليا القلب 

الليالي كانت .. في قربك جنة .. 

ليالي زفاف .. وليالي حِنة

وتمر الليالي .. فرحة معاك .. 

ويفضل قلبي .. عريس فـي هواك

يا للي منور .. بالحب ليلي .. 

حسيت الدنيا معاك أمان 

أنا يا حبيبي .. معاك ليلي .. 

بنسى فيه .. كل الأحزان 

ساعات الحب .. تعدي .. 

دقايق .. في عمر الزمان

********************

يا للي القسمة .. قسمت لي .. أحبك .. 

أنا يا حبيبي .. في هواك أسير

يا للي البسمة .. رسمت شفايفك .. 

تهمس الهمسة .. قلبي يطير

تمر النسمة .. تقول : علي خدك .. 

سبحانك ! .. يا للي .. نعَمك كتير

يا للي .. الحب مخلوق .. علي قدك .. 

كل الناس منك .. بتغير

أنا يا حبيبي .. اتمنى قربك .. 

واتمنى معاك .. لأخر الزمان

ساعات الحب .. تعدي .. 

دقايق .. في عمر الزمان

********************

ساعات الحب .. كلمات.. سعد المهدي