مات الحلم = كلمات خالد الكردي ----------- تحياتى جدو عبدو

-----------

مات الحلم

------
ومات الحلم جوايا
وليه الحزن كتفني
ونزلت مني دمعايا
وعيني حالفه ماتشوفني

شراع املي بيتكسر
وكل منايا غراقانه
وقلبي جوه يتحسر
وحتي الدمعه حيرانه

وانا تايه ومش عارف
وخطوة حلمي تتاخر
بقيت بكره انا خايف
لاكون للنمل يوم سكر

كلامي ع الورق شايب
وليه ف الحزن انا دايب
وليه حظي معاندني
كاني لحظي مش عاجب

واصدق او ماصدقشي
خلاص عندي ماتفرقشي
نصيبي م الحياه خدته
هييجي ميعادي يوم وامشي

------مات الحلم ----
كلمات
خالد الكردي