احلى الامانى = بقلمى يوسف ونيس مجلع ------------ تحيات جدو عبدو

بقلمى يوسف ونيس مجلع ايطاليا بريشيا
اصدقائى الاعزاء كلمه بالعاميه بعنوان احلى الامانى

 احلى الامانى

===================
قلبى ظنونه وخدانى ------------- خايف منك عليا
يقولى احلى الامانى ------------- اوهام بتلعب بيا
كل غزل الاغانى ------------- فى غناكى مش ليا
لايوم كنتى فكرانى ------------ او يوم حسيتى بيا
--------------------------------------------
حتى فى صفى زمانى ---- لما كان يقابلنى بيكى
لاحسيتى دفى حنانى --- او شوق سابقنى ليكى
ولا بزلزال كيانى ------ لو عينى جات فى عنيكى
ولا برعشة وجدانى-------- فى حلا سلام اديكى
وحنين كاوى احضانى ------ هايرمى نفسه عليكى
و روحى كده نسيانى ------- فى عطرك حواليكى
واحاسيس مفرحانى ------ بترقص على خطاويكى
--------------------------------------------
يجى قلبى ينبهنى تانى ------ من العجايب فيكى
يصحينى من تواهانى -------- وانا غايب بناجيكى
اقول اجرب عصيانى -------- واهرب من اراضيكى
فى بحر مفيهوش امانى ---- ولا سكه لمراسيكى
---------------------------------------------
القا مشاعرى خينانى ------- ناسيه الدنيا وسيبانى
هايمه فى جنة امانى ------- بيلاغيها ضى عنيكى
بقلمى يوسف ونيس مجلع