-----باعشق قمر-
قالوا زمان ف المثل
اعشق قمر تكسب
تتوه ف ليل السهر
وحبه ليك مكسب
وانا عشقي ليكي عدي
ياعمري كل الحدود
حالم بحبي معاكي
يكون له اصل وجود
باعشق معاكي الحياه
وباشوف جمال لونها
حبك ده طوق النجاه
ف الدنيا وهمومها
عشت ف هواكي الغرام
طاير وانا ع الارض
قولت ف عيونك كلام
واستني منك رد
امتي هاقابل عيونك
وادوب انا فيها
واتوه مابين الجفون
وابوس كمان الخد
انتي اللي حبك شغلني
باسمع كمان همسك
واما جمالك فتني
باصحي اقول اسمك
وابص انا ف السما
نجمك معايا يقول
صورتك مشاركه القمر
باتمني قلبي ينول
نسهر ياعمري سوا
ونحقق الاحلام
دايب ف سحرك انا
ظلمك لقلبي حرام
--باعشق قمر -
كلمات
خالد الكردي
0 التعليقات :
إرسال تعليق