خِسرت أنا الرهان = شعر/محمد توفيق -------- تحياتى جدو عبدو

خِسرت أنا الرهان

-----------------

رَهنت أنا يوم عليكى

رَهنت أنا عقلي بيكى

عقلي قاللى عذابيّ

هشوفه بين إيديكى

رضيت أنا بالتحدي

وقبلت أنا الرهان

وقاومت أى فكرة

بترفُض حبي ليكى

قبلت أنا الرهان

وقُُلت قلبي في أمان

قلبي اللى كان مُناه

يشوف عمره في عينيكى

ومرت الأيام

وخِسرت أنا الرهان

وتاه قلبي كمان

مبقاش قادر يفرق

عدوىّ من حبيبيّ

ده أول اختبار

وده أخر اختبار

وضاع قلبي في هواكى

من غير اى إعتبار

خسرت كل حاجة

من غير حتى اعتذار

من غير حتى إعتذار

خِسرت أنا الرهان

-------------------.

عطيتك كل حاجة

عمريّ ما طلبت حاجة

وياما حِلفت ليكى

إن إنتى كل حاجة

حبيّ مش ضعف منىّ

وأخلاصىّ ليك قاتلني

وشعوريّ كان حقيقي

مش زيك..غصب عنىّ

قلبي ده كان ضحية

وده العيب اللى فيه

لَغيت عقلي معاكى

وإديتك عمريّ كله

وقلبي كمان هدية

وقِبلت أنا الرهان

قِبلت أنا الرهان

وخِسرت عمري كله

وضاع كل الحنان

وخسرت كل حاجة

من غير حتى اعتذار

من غير حتى اعتذار

والأخر بأعترفلك

إنى خِسرت الرهان

إنى خِسرت الرهان

------------.

شعر/محمد توفيق