بعض الستات
----
زجل د/صبرى إسماعيل
******
عجبى على بعض الستات--وهى خارجة تحط ميكاب
حتى العباية تشخلعها---مع الرموش من فوقه نقاب
وفجأة ترسم مشيتها-----وصوتها يسحر فى الألباب
أمّا لبيتها عفريتها----------والرقة تصبح أكبر ذنب
******
حجابها كامل بل شرعى---فى الخلوة داخل غرفتها
مكشّرة فى سحنة مرعى---مستخسرة فيه بسمتها
بشخيرها قلبت إلى برعى---مبسوطة هى بخيبتها
الست ليه تقلب راجل------الرافضة تطلب ورقتها
*******
للناس بتضوى بزينتها---------وبيتها تدثر بلحاف
للناس بتلمع ضحكتها---ولجوزها كل غيوم وجفاف
فى الليل سهر مع صحبتها-خلاص فنيتو ولا بتخاف
متشددة لخراب بيتها-----منعول أبو النت الجُنداف
*****
دول 1% فقط و99% بخير ان شاء الله
لا داعى للزعل
0 التعليقات :
إرسال تعليق