رميتي السهم صاب قلبي
وصدقت انه سهم الحب
واتاري الذنب كان ذنبي
عشان صدقت ان قلبك حب
لعبتي الدور علي المسرح
وقولتي تعالي يوم وافرح
وانا بصراحه صدقتك
لانك روعه ف التمثيل
بدون مكياج بدون جمهور
كانك كنت حافظه الدور
تقولي الكلمه تسحرني
واشوفك من بنات الحور
تشديني قوام ليكي
واتوه من نظره ف عنيكي
وقلبي بسرعه يطمن
ويبقي لعبه ف اديكي
واعيش دايما كده ف حيره
تقولي وهم او غيره
واشوفك مره مع غيري
تقولي نفضها سيره
ومش فارقه هاعيش مجروح
ماهو مشهد لدورمدبوح
كان الدنيا دي مسرح
روايه تنتهي وتروح
ومطلوب مني اكون راضي
واقول دي ذكري او ماضي
حلمتك مره حلم جميل
طلعتي شاطره ف التمثيل
المشهد الاخير
كلمات
خالد الكردي
0 التعليقات :
إرسال تعليق