مش هيك الله خلقنا = بقلم / غازي بن كعوش -- ,,,,,,,,,,,ابن البلد....ميرون ---- تحياتى جدو عبدو

مش هيك الله خلقنا
July 18, 2015 at 6:34pm

مش هيك الله خلقنا

يا اخوانا واهلنا وناسنا

يا عاقلين وفهمانين

يا سامعين وشايفين

يا كل اهلنا وناسنا

مش هيك الله خلقنا

نسينا حالنا

وكيف كانوا اهلنا

اباءنا واجدادنا

تغيرنا وصرنا غيرنا

بطلّنا نحنا

نسينا كيف كانوا

اجدادنا

وما عدنا زي ما كنا

ليش هيك صار فينا

شو اللي عم نعملوا

بحالنا

بطلنا وما عدنا نحنا

مش هيك الله خلقنا

انقلبت احوالنا

وصرنا نحنا

كأنوا مش نحنا

شو اللي غيرنا

لصرنا غير نحنا

ضعنا والزمن ضيعنا

وما عدنا عرفنا

طريقنا لوين راح يودينا

وتغيرت كل حياتنا

وتبدلت احوالنا

عسىى الله بكرة يعينا

تعلمنا كتير

وما استفدنا من علمنا

وتقدمنا بالتكنولوجيا

وبكل شي تقدمنا

وتأخرنا بأخلاقنا

وقيمنا نسينا وتقاليدنا

لنسينا بعضنا

وضيعنا حالنا

تاريخنا وحضارتنا نسينا

شو كانوا وشو كنا

يا خوفي ويا مصيبتنا

ننسى دينا

وما نعود نعرف شو نحنا

وننسى مين ربنا

,,وما حد جبرنا

نحنا كل هذا بأيدنا

عملنا بحالنا وتغيرنا

هيك نحنا بدنا

ما حدا جبرنا

نغير طباعنا,

وعاداتنا وتقاليدنا

ومفاهيمنا وقيمنا

صرنا غير نحنا

بطلنا نعرف حالنا

ونسينا بعضنا

ونسينا ماضينا

وصرنا نمشي ورا

غيرنا

مش هم يمشو ورانا

صارت بعيدة المسافات

بيناتنا

وما عدنا نسأل

عن بعضنا

ولا عن احوالنا

صرنا نسمع اخبار

بعضنا من غيرنا

يا ويلنا من مستقبلنا

ويا ويلنا كيف بدنا

بكرة نقابل ربنا

,استبدلنا محبتنا

بعداوة بيناتنا,

,والله خلقنا

مليانة بالمحبة قلوبنا,

,وما حدا جبرنا وغصبنا

,نصير زي ما هلأ نحنا

ما نعرف وين طريقنا

وما نعرف خطأنا وغلطنا

من صحيحنا

مشاعرنا غيّرنا

واتجبرنا وعلى بعضنا

قسينا

ونسينا اصلنا

وصرنا ما نحب بعضنا

وخالية من المحبة

نفوسنا و قلوبنا,

وبنكيد لبعضنا

وبنقهر ببعضنا

ونخدع حالنا

ببسمة على شفايفنا

وقلوبنا سودة على بعضنا

,,والله العظيم

ما هيك الله خلقنا

,,,وما هيك علّمنا

,,نسينا قيمنا وشرائعنا

ومفاهيمنا و تعاليم دينا,,,

,,,,,,,غازي بن كعوش

,,,,,,,,,,,ابن البلد....ميرون

,,,,,,,,,,18-07-2015