جايلىَّ ليه
===========.
جايلىَّ ليه
حطمت قلبى وبعد إيه
جايلى ليه
جايلى ليه
خُنت عهدى وبِعت حُبى
فاضلى إيه أندم عليه
إن ندمت
بندم إنى فى يوم قابلتك
وإن بكيت
غصب عنى عشان بحبك
قصدى كنت فى يوم بحبك
ياما قلت ياقلبى سيبك
مستحيل دة يكون حبيبك
بكرة ييجى فى يوم يسيبك
ومستحيل ده يكون نصيبك
وكان اللى كان
ياقلبى كان
إياك تلوم يوم على الزمان
وكان اللى كان
ياقلبى كان
كل اللى بينا ده كان أوهام
وكان مُنايا قبل ماأمشى
تيجى وتقُوللى هتمشى
وتقُوللى ليه هتمشى
ومتحسبيش
إن الدنيا فى عينى بَعدك متساويش
ومتقوليش
إن بعد حبك إنت مش هعيش
لأ هعيش
لأ هعيش
وألقى حب يدفى قلبى
وألقى قلب عشانه أعيش
مش كلامك !!
إن كل الدنيا لينا
مش كلامك !!
مهما هيطول الطريق
برضه ياروحى مشينا
والنهارده جاى ياقلبى
جاى بتشكيلى بدموع
جاى تقوللى إنسا وإضحك
والشجن مالى الضلوع
ياما قُلت ياقلبى سيبك
مستحيل ده يكون حبيبك
بكره ييجى فى يوم يسيبك
ومستحيل ده يكون نصيبك
==========.
أخر الكلام
من غير كلام
أمشى ومترميش السلام
أخر الكلام
ومفيش كلام
كل اللى بينا كان وكان
كل حاجة حلمت بيها
الزمن ما كان ناسيها
جاى يهد وكنت فاكره
جاى يدينى الامان
ياما عقلى قال زمان
السعادة فى الأمان
والحبيب لو خان حبيبه
يبقى منلومش الزمان
ده اللى خانك يوم وباعك
واللى فاكره فى يوم بتاعك
وللظنون رماك وسابك
يبقى عمرة ما كان نصيبك
والخيانة دى طبع فيه
وإوعى تندم يوم عليه
وإوعى تخدع يوم فؤادك
مهما وقفوا ودقوا بابك
دول سحابه فى وقت صيف
واللى بعدهم خريف
فأصحى ياقلبى وسيبك
مستحيل ده يكون حبيبك
وبكره هتلاقى نصيبك
أما هو مش نصيبك
---------------------.
شعر/ محمد توفيق
0 التعليقات :
إرسال تعليق