صرخه بلد
لما الدموع تجرح خدود الامهات
وسط الزحام تسمع اهات
والام تنده لابنها يقولولها مات
والست تكتم حزنها مع انها
فقدت وليدها وحلمها
ويكرموه ويكفنوه برغم الالم
وتشوفوا ملفوف ف العلم
تصرخ سكات
هو المهم ان انت تسال يبقي مين
ومن الشمال ولا اليمين
ولا المهم انك تقول
ده كان هنا
واقف معانا ووسطنا
وف لحظه يسقط مننا
علي ايد وحوش شايلين سلاح
مابيعرفوش ولا جربوش معني الجراح
والصرخه طالعه من قلوب
متبلوره ف دموع يادوب
ياخلق كفايكوا ذنوب
واصحوا بقي
كام شاب راح وانتوا السبب
وتقولوا ده وعد انكتب
الام تحرن ع الولد
ميت الف اه جارحه البلد
صرخه بلد
كلمات
خالد الكردي
0 التعليقات :
إرسال تعليق