اتعود يا قلبي .. اتعود .. كلمات .. سعد المهدي .... تحياتى جدو عبدو

اتعود يا قلبي .. اتعود
اتعود ياقلبي .. ع الوحدة ..
وانسى الفرحة .. 
وانسى الضحكة 
انسى اللمة و انسى الصحبة
انسى ياقلبي .. واتعود
لا حد .. هيسأل عليك
ولا حد .. هيفكر فيك
ولاحد.. يوم هيلاقيك
انسى ياقلبي .. واتعود
اتعود ياقلبي ع الليالي
وابك معايا علي حالي
ابك .. دمعك الغالي
ابك يا قلبي واتعود
لا يوم هتبقي سعيد
ولا يوم هتلاقي عيد
ولا يوم هتشوف جديد
خلاص ياقلبي اتعود
وارض ياقلبي .. بنصيبك
وفكر ايه .. هيصيبك
بعد ما سابك حبيبك
ارضَ يا قلبي .. واتعود
اتعود .. كلمات .. سعد المهدي