عمري فـ البطاقة ..
محسوب بالسنين !
بس فيه سنة .. ماكملتهاش
وسنه جريت .. ماحصلتهاش
وسنة وقفت .. ماعشتهاش
وسنة طارت .. مالحقتهاش
وسنة حظي فيها .. ماجاش
وسنة عقلي فيها .. طاش
وسنة راحت مني .. بلاش
والسنة التانية .. ماعوضتهاش
واربع سنيين .. ماحسيتهاش
وكمان تلاته .. ماعدتهاش
تقول لي كام سنة عمرك
اقول لك .. ما حسبتهاش
كلها كام سنة .. واطلع معاش
وكمان كام سنة ..
ويقولوا : كان هنا واحد عاش
يارب ف الاخرة م الجنة .. ماتحرمناش
داكل فروضك .. ابدا .. ابدا مافوتهاش
**********
عمري .. كلمات .. سعد المهدي
0 التعليقات :
إرسال تعليق