الحَوجه مُره
************
عُمري ماكُنت ليك
ولا إنتَ كنت ليا
يمكن تكون في وقت
مَثِلت حاجه ليا
كُنت مَخنوقه في حياتي
لَقيتك في ذِكرياتي
قُولت يِهََون عليا
لكن عُمري ماكُنت ليك
ولا إنتَ كنت ليا
كُنت عارفه إنتَ مين
وإنك إنتَ مُش أمبن
بَس الحَوجه مُره
قولت أعدي مَعاك أزمتي
يمكن تتغير وتعجبك دُنيتي
حاولت أكَذب نفسي
وأصبر عليك
وأدعي ربنا يهديك
أقول يانفس بلاش تآسي
خليكي جَنبه شويه
بالمسايسه والمحايله
راح يكون حاجه تانيه
أتاريك شيطان ومارد
راسم شِباكه علي مِحنتي
عمال تجر فيا
لدنيا مش دنيتي
دنيا ناس تانيه
دنيا غريبه عليا
مااعيش فيها ولا ثَانيه
عُمري ماكنت ليك
ولا إنتَ كُنت ليا
كانت حياتك فاضيه
ماتحوي ذكريات
لا فيها حاجه حلوه
ولا بتحس الأهات
متبلد في المشاعر
تكدب وتقول أنا شاعر
عجور عتيد وواعر
وبكل المعاني جاهل
ماتعرف تصون أمانه
مشهور بالخيانه
كل ما أثني عليك
ألقيَّ الشر ماليك
والطبع دايس فيك
روح ربنا يهديك
روح ربنا يهديك
صفاء عبد ربه
0 التعليقات :
إرسال تعليق