صرخه فقير
غلي يادوله كمان اسعارك
دوسي علينا كمان وكمان
اكوي فقيرغلبان من نارك
ذنبه ياعيني عشان غلبان
جايب قوت اليوم بالذق
واكل طقه يادوب ف اليوم
حاطط كل ايديه ف الشق
بس هيشكي لمين ويلوم
تايه وسط الناس والزحمه
مكتوب يفضل كده شقيان
قلبك منزوع منه الرحمه
حاكمه عليه يفضل تعبان
سهران ليله بيدعي عليكي
وعينه بتنزف بحر دموع
نغسه ف يوم يسهر يدعيلك
خايف لا يموت بقي م الجوع
بقلم
خالد الكردي
0 التعليقات :
إرسال تعليق