حدود الوعد
----------------------
تعب السهر من كثر ما سهرتو
فل وتخبى بعب الشمس
شفت وجهُن طل ما عرفتو
تا سمعت صوت اللمس
من وين رجعوا وليش
سألت حالي وحيرتي خبيت
وقديش فيو هالقلب قديش
يمحي الوجع عاكلمة ال ياريت
كانوا الصلا هل حلت لساني
ونور قنديل العمر كِلُّو
كانوا الحلم تالعمر نساني
ولا قدرت مره بس أوصلو
ذابت الأيام ع حدود الوعد
ورعد العمر لفو غبار الخيل
قولولهن مني شو بدُن بعد
ياما نطرتُن شمس تا يطلوا
اتاخروا وطلوا بتالي الليل
------------------------------
بقلمي راضي مشيلح
0 التعليقات :
إرسال تعليق