دموع الليل
دموع الليل في وسط
سحاب في حضن غيوم
ومين يسمع بشكواها
مين ظالم ومين مظلوم
يا نفسي انتي اللي
محقوقة ف خيال محروم
يا نن العين خلاص بيكفي
حرق جفني البكا واللوم
،في دنيا بتشبه الطوفان
مات قلبي اللي كان مغروم
وراح عمري ف غرام كداب
وضاع املي ف هوى معدوم
لا فيه مينا ولا مرسى انا
الغلطان ومين فينا
ياناس معصوم
عشقت الوهم صدقته مشيت
ورا قلبي طاوعته وكان موهوم
قال الحب زار بيتي وقولت يادنيا
حنيتي ويا خسارة الكيان مصدوم
عيوني في السما سارحة واشجار
الضياع طارحة دموع وسموم
دمعة ف وسط دوامة وطبع
النفس لوامة ويوم ورى يوم
صوت الدمع يحاكيني
خلاص علي المر دا مفطوم
يا ناس انا ببكي على حالي
ياريت كان الفؤاد لقبه
الوحيد مرحوم
صبري شومان
0 التعليقات :
إرسال تعليق