اكتب

ﺍﻛﺘﺐ ﺍﻳﻪ؟؟؟؟؟؟؟؟
ﺻﺤﻴﺖ ﺍﻟﻀُﻬﺮ ﺑﻬﻮﺍﺩﻩ ...... ﺑﺘﻤﺮﻣﻎ ﻋﻠﻲ ﺳﺮﻳﺮﻱ
ﻭﺷﻴﻄﺎﻥ ﺍﻟﺸﻌﺮ ﻛﺎﻟﻌﺎﺩﻩ ..... ﺑﻴﺰﻏﺰﻍ ﻓﻲ ﺗﻔﻜﻴﺮﻱ
ﺧﺪﻧﻲ ﻧﺸﺎﻃﻲ .... ﻧﺴﻴﺖ ﺍﺣﺒﺎﻃﻲ ..... ﻭﺑﺮﻳﺖ ﻗﻠﻤﻲ ... ﻭﺟﺎﻫﺯﻩ ﺑﻴﻪ
ﻗﻠﺖ ﺍﻧﺎ ﻫﻜﺘﺐ ﺍﺣﻠﻲ ﻣﺎ ﻋﻨﺪﻱ .... ﻓﻠﻘﻴﺖ ﻣﺨﻲ ﻳﺠﻴﺐ ﻭﻳﻮﺩﻱ
ﻭﻋﻘﻠﻲ ﻳﻘﻮﻟﻲ ﻫﺘﻜﺘﺑﻰ ﺍﻳﻪ
ﺍﻳﻮﻩ ﺻﺤﻴﺢ ﺍﻧﺎ ﻫﻜﺘﺐ ﺍﻳﻪ .... ﺍﻛﺘﺐ ﺍﻳﻪ
ﺍﻛﺘﺐ ﻋﻦ ﺍﺣﺴﺎﺱ ﺟﻮﺍﻳﺎ؟؟؟
ﻻ ﺩﻱ ﻗﺪﻳﻤﻪ
ﺍﻛﺘﺐ ﻋﻦ ﺍﻓﺮﺍﺡ ﻧﺎﺳﻴﺎﻧﻲ ..... ﻭﻻ ﺍﻟﺪﻧﻴﺎ ﺍﻟﻠﻲ ﻣﻌﺎﻧﺪﺍﻧﻲ
ﻭﺑﺘﺜﺒﺘﻨﻲ ﺑﻀﺤﻜﻪ ﻳﺘﻴﻤﻪ
ﻻ ﺩﻱ ﻗﺪﻳﻤﻪ .... ﻻ ﺩﻱ ﻗﺪﻳﻤﻪ
ﺍﻛﺘﺐ ﻫﻤﻲ ....ﻭﻻ ﺍﻛﺘﺐ ﻟﻬﻤﻮﻡ ﺍﻟﻨﺎﺱ
ﺍﻭ ﻋﻦ ﺩﻣﻲ ..... ﺍﻟﻠﻲ ﺍﻧﺼﺐ ﻟﺠﺮﺣﻲ ﻓﻲ ﻛﺎﺱ
ﻗﻠﺖ ﺍﻧﺎ ﻫﻜﺘﺐ ﻗﺼﺔ ﺣﺒﻲ ... ﻭﺍﻛﺘﺐ ﻋﻦ ﻗﻠﺒﻲ ﻭﺣﻜﺎﻳﺎﺗﻪ
ﺣﻄﻴﺖ ﺍﻳﺪﻱ ﻗﻮﺍﻡ ﻋﻠﻲ ﻗﻠﺒﻲ .... ﻭﻟﻘﻴﺖ ﻗﻠﺒﻲ ... ﻣﺎﺷﻲ ﺑﻨﻔﺲ ﻧﻈﺎﻡ
ﺩﻗﺎﺗﻪ
ﻣﺎ ﺍﻟﺤﺐ ﺧﻼﺹ ﻣﺎ ﺑﻘﺎﺵ ﻟﻪ ﻗﻴﻤﻪ
ﻭﺑﺮﺿﻮ ﻗﺪﻳﻤﻪ
ﺑﺮﺿﻮ ﻗﺪﻳﻤﻪ
ﻗﻠﺖ ﺍﻧﺎ ﻫﻜﺘﺐ ﺑﻘﻲ ﻋﻦ ﺑﻠﺪﻱ .... ﻭﻋﻦ ﺍﺣﻮﺍﻟﻬﺎ
ﻋﻘﻠﻲ ﻗﻠﻲ ﻣﺎ ﺗﺨﺮﺳﻰ ﺑﻘﻲ .....ﻭﺗﺴﻴﺒﻳﻬﺎ ﻓﻲ ﺣﺎﻟﻬﺎ
ﻭﻗﻠﻲ ﻳﺎ ﺟﺎﻫﻟﻪ
ﺑﻠﺪﻙ ﻣﺎﺷﻴﻪ ﺑﻨﻔﺲ ﺍﻟﺘﻴﻤﻪ
ﻭﺑﺮﺿﻮ ﻗﺪﻳﻤﻪ ﺑﺮﺿﻮ ﻗﺪﻳﻤﻪ
ﺣﻴﺮﻩ ﻛﺒﻴﺮﻩ .....ﻭﺍﻳﻪ ﻳﺮﻣﻴﻨﻲ ﻋﺎﻟﻤﺮ ﺩﻩ ﺍﻳﻪ
ﻫﻮ ﺍﻧﺎ ﻧﺎﻗﺻﻪ ... ﻟﻴﻪ ﻳﺎ ﺩﻣﺎﻏﻲ ﺗﻔﻜﺮﻱ ﻟﻴﻪ
ﺍﺗﻀﺎﻳﻘﺖ ﻭﺍﺗﺨﻨﻘﺖ
ﻭﻣﺴﻜﺖ ﻗﻠﻤﻲ ﻭﺟﻴﺖ ﺑﺎﻳﺪﻱ ﺍﻛﺴﺮﻩ
ﺑﺲ ﺃﻟﻤﻲ ﺻﺤﻲ ﻗﻠﻤﻲ ﻭﻓﻜﺮﻩ
ﻭﻛﺘﺒﺖ .... ﺍﻳﻮﻩ ﻛﺘﺒﺖ
ﺍﻭﻣﺎﻝ ﺍﻟﻠﻲ ﺍﻧﺘﻮ ﺑﺘﻘﺮﻭﻩ ﺩﻩ ﺍﻳﻪ؟؟؟؟؟؟؟؟؟؟؟؟؟
ﺑﺴﻤﺔ ﺣﺠﺎﺯﻱ —

إ

·