جزيرة العشاق .. (كلمات .. سعد المهدي ) تحياتى جدو عبدو

جزيرة العشاق .. (كلمات .. سعد المهدي )
وحيد .. شريد .. فـ جزيرة العشاق
لصديق لرفيق .. لحبيب مشتاق
وزادت عليا الأشواق .. خديتني بين العشاق .. 
لفييت .. لفييت .. بين الأشجار .. 
بين الأغصان .. بين الأزهار
لفيت .. لفيت .. بصيت للكون الفسيح ..
للطير اللي بيغني ويصيح
زي العاشقين .. متجمعين .. اتنين يناجو اتنين
مافيش غيري وحيد .. فـ جزيرة العشاق
لصديق لرفيق .. لحبيب مشتاق
***********************
وفـ وسط الأشواق ..صوت ندالي : بأغلى الأسماء
حبيبي .. تعالى .. تعالى : أبعد يا فراق
بصيت علية .. اتاريه .. حبيب قديم
كان بيني وبينه .. غرام قديم
نده قلبه .. نده قلبي .. وناجت الروح .. الروح
وجالي حبيبي .. حبيب الروح
جاي يحيي .. غرام .. كان بنا
غرام .. جارت عليه سنين
من بعد فراق .. كان بنا
وهجر وِاِشتياق وحنين
من غير ميعاد .. كان بنا
ولا كنا ع اللقا .. متفقين
وبقيت زي العشاق ..
أنا وحبيبي .. فـ جزيرة العشاق
***********************
جزيرة العشاق