احلام بسيطة.. كلمات .. سعد المهدي == تحياتى جدو عبدو

كان عندي احلام سهله وبسيطة ..

انه لما اكبر اعيش انسان !
كنت فاكر ان المعيشة بسيطة ..

واقدر اعيش في اي مكان 
اتاري الحياة بقت غريبة ..

وناس اتشكلت بكل الالوان 
كنت بحلم بحياة هاديه ..

فيها الخير والحب وفيها الود والحنان 
وفيها الاخلاص .. بين الناس ..

و اللمة والصحبة .. والعدل والامان 
اتاريها احلام قديمةوصعبة ..

كانت موجودة قديم الزمان
ونده بيها الانبياء و الرسل ..

وندت بيها كل الاديان
لكن فيه بشر مش بشر ..

فيه بشر مايتقال عليه انسان 

احلام بسيطة.. كلمات .. سعد المهدي